02:08 م
الأحد 02 مارس 2025
كتبت- سهيلة أسامة:
ردت الفنانة إلهام شاهين على منتدي تصريحاتها عن الصلاة، وذلك خلال لقائها في برنامج “سابع سما” تقديم راغدة شلهوب المذاع عبر قناة “النهار”.
قالت إلهام: “المضحك بالنسبة ليا أن دا حصل من 20 سنة، ويمكن أكتر كنت بعمل مسلسل وده كان بالنسبة ليا شيء جديد ومختلف، كنا في نص مشهد وحد غلط وهنعيد، فطولوا وإحنا قاعدين قدام الكاميرا منتظرين وبعدها المصورين خرجوا واطفت الأنوار وخرجت أشوف في إيه لقيت المخرج جامع الناس في الاستديو وبيصلوا جماعة، استنيتهم يخلصوا ورحنا خلصنا المشهد وقلت رأيي بعدها”.
وتابعت: “إحنا في مصر مش بنصلي أول ما الأذان يأذن، لو حد عنده شغل أو حاجة بيخلصها وبعدين يصلي، وعنده وقت كافي بين الصلاة والتانية ممكن يصلي فيه، هو ده اللي أنا قولته”.
يذكر أن، الفنانة إلهام شاهين تخوض موسم دراما رمضان بمسلسل “سيد الناس”، بطولة عمرو سعد، إلهام شاهين، إنجي المقدم، أحمد زاهر، أحمد رزق، ريم مصطفى، بشرى، منة فضالي، نشوى مصطفى، رنا رئيس، أحمد فهيم، خالد الصاوي، نشوى مصطفى، رنا رئيس، ملك أحمد زاهر، محمود قابيل، طارق النهري، وياسين السقا، جوري بكر، إنجي كيوان، وإخراج محمد سامي.