دنيا جمعة: مستشفى الناس صرح طبي ينافس عالميا وربنا يسخر لها الناس لاستكمال المشوار

الأربعاء، 12 مارس 2025 09:47 ص

3/12/2025 9:47:42 AM

أجرت البروديوسر دنيا جمعة، المدير التنفيذي لمهرجان الموسيقي العربية، والمشرفة على العديد من الحفلات الكبرى في الوطن العربي، زيارة لمستشفى الناس الخيري لعلاج أمراض القلب والجهاز الهضمي والسكرى بالمجان، وذلك في إطار سلسلة من الزيارات التي يقوم بها المشاهير ونجوم المجتمع إلى المستشفى لتقديم الدعم النفسي والمعنوي للمرضى والمشاركة في التوعية.

تضمنت زيارة البروديوسر دنيا جمعة، المدير التنفيذي لمهرجان الموسيقي العربية، جولة تفقدت خلالها غرف الأطفال المرضي، وتعرفت على الخدمات الطبية المقدمة لهم، كما التقت عدد من الأطفال في العيادات الخارجية الذين حضروا مع أولياء أمورهم سواء للمتابعة بعد العملية أو للكشف ضمن الإجراءات الخاصة بتحديد ما يحتاجه كل طفل من إجراءات علاجية أو جراحية حسب كل حالة.

خلال جولتها، تعرفت البروديوسر دنيا جمعة، المشرفة على العديد من الحفلات الكبرى في الوطن العربي، على جميع أقسام المستشفى بما في ذلك الصيدلية والمطبخ والمغسلة وغيرها من الأقسام التي تتعلق جميعها بتقديم أفضل خدمة ورعاية للأطفال أثناء رحلة علا جهم داخل المستشفى.

وأشادت البروديوسر دنيا جمعة، المدير التنفيذي لمهرجان الموسيقي العربية، والمشرفة على العديد من الحفلات الكبرى في الوطن العربي، بمستوي الخدمات الطبية المتكاملة المقدمة في مستشفى الناس، حيث قالت: «مانشيت زيارة مستشفى الناس، تجربة مؤثرة جدًا، أنا ما شوفتش كده في حياتي، ما شوفتش مستشفى مجهزة بالتجهيزات المتقدمة دي، وبالنظافة وبالسيستم ده الموجودين في كل تفصيله وكل قسم دخلته، وكل أوضه دخلتها».

وقالت البروديوسر دنيا جمعة: «الحب اللي في المكان من أول ما دخلت لحد ما أنا واقفة مكاني هنا، حساه ومش عارفة أمسك مشاعري ولا إحساسي، وطول الوقت عايزه أقول إيه ده أنا في مصر؟ أنا حاسة إني مش في مصر، أنا فخورة جداً إن حاجة زي دي موجودة هنا، لأني روحت مستشفيات خاصة كتير أوي، وما شوفتش في المستشفيات الخاصة اللي شوفته هنا».

وأضافت دنيا جمعة، المدير التنفيذي لمهرجان الموسيقي العربية: «غرف الإقامة، والمطبخ، وغرف العمليات، وملابس الأطفال، وملابس الممرضين، كل التفاصيل، وألوان الدهانات على الحوائط، والمزيكا اللى شغاله طول الوقت، بيأكدوا أن القائمين على مستشفى الناس، بيشتغلوا على نفسية الطفل إنه يبقى في مكان نظيف، وشايف حاجات حلوة، وسامع حاجات حلوة، مش بس صرح معمول إنه يلا نعالج الناس وخلاص، لاء هما بيشتغلوا على كل التفاصيل».

وتابعت دنيا جمعة، المشرفة على العديد من الحفلات الكبرى في الوطن العربي: «الستاندرد في مستشفى الناس لا يقارن بأي مستشفى محلي في مصر، هي تقارن بالمستشفيات العالمية، وأنا نفسي هاجي أعمل الفحوصات بتاعتي هنا، ومانشيت أنا فخورة إن المكان ده موجود عندنا في مصر، وإن الأطفال في حد مهتم بتفاصيل كل حاجة معاهم كده، يعني أنا ما شوفتش دا قبل كده، شكراً جدًا مستشفى الناس».

وعن جبر الخواطر الذي لمسته في المستشفى، قالت: البروديوسر دنيا جمعة: «أنا شايفه إن ربنا بيسخر الناس لبعض، ففكرة إن المستشفى دي اتبنت من زمان أوي وتوقفت، وبعدين جه حد تاني يكمل القصة وخدها لحتة تانية، دي بالنسبالي هي اللي بتأكد عندي إن اللي ربنا بدأه مكمله، سواءً باللي بناها أو باللي مكمل المشوار، بأي حاجة، فأنا شايفه إن ربنا سخر الناس لبعض وتجلياته في كل حتة في المستشفى».

واختتمت دنيا جمعة، حديثها: «مش قادرة أوصف شعوري بسبب كم الحب اللي شوفته، حاسة إني مش عارفة أعبر أوي عن مشاعري صراحة، لأنه أنا بالنسبالي دي كانت رحلة مؤثرة جدًا، لأن الجولة في المستشفى هنا حاجة مش عادية، فشكراً جداً، مستشفى الناس.. الناس للناس».

الجدير بالذكر أن مستشفى الناس واحدة من أهم المستشفيات الخيرية الغير هادفه للربح، حيث تقدم خدماتها بالمجان لكل المصريين من الأسر المهمشة والأكثر احتياجا وغير القادرين، ونجحت المستشفى منذ افتتاحها عام 2019 في تقديم أكثر من 506 ألف خدمة طبية، والكشف على أكثر من 27 ألف مريض، كما أجرت المستشفى أكثر من 7 آلاف عملية جراحية بالقلب لحالات حرجة جدًا وعمليات قسطرة تشخيصية وعلاجية، إضافة إلى هذا تفتح مستشفى الناس أبوابها لكل مرضى القلب والجهاز الهضمي، وتعمل على وضع خطة علاجية لهم بأحدث الطرق الطبية ووفقاً لآخر المعايير والضوابط لهذه الأمراض عالمياً، حيث أجرت 630 عملية جراحية ومناظير جهاز هضمي خلال عام 2023.

ويشار إلى أن مستشفى الناس تبلغ مساحتها 30 ألف متر مربع تتضمن 7 أدوار، بطاقة استيعابية 600 سرير، و10 غرف للعمليات، و140 وحدة رعاية مركزة، و4 وحدات قسطرة قلبية، و48 عيادة خارجية، وقد تم افتتاح المستشفى عام 2019.

ويمكن التبرع لمستشفى الناس الخيري للأطفال من خلال الاتصال على الخط الساخن 16441، والانتظار لحين وصول مندوب المستشفى إلى المنزل، إضافة إلى التبرع من جميع البنوك المصرية على حساب رقم 16441 باسم مؤسسة الجود الخيرية – مستشفى الناس، أو عبر الموقع الالكتروني الرسمي للمستشفى https://alnas-hospital.com/donate-now أو من خلال إرسال رسالة تتضمن كلمة “طفل” على رقم 9797، أو منافذ فورى كود رقم 9145، إضافة إلى امكانية التبرع عن طريق شركات الدفع (instapay – أمان – مصاري – OPay- الأهلي ممكن).