نستعرض معكم متابعينا متابعي جريدة مانشيت الكرام أحدث التطورات والأخبار الفنية الهامة، حيث نرصد لكم آخر المستجدات لحظة بلحظة، واليكم “مكالمة من فترة”.. المونتير عمرو عاكف يكشف كواليس اعتزال محمد سامي
المخرج محمد سامي، عبر صفحته في موقع فيسبوك، أعلن عن اعتزاله الإخراج التليفزيوني، وكتب: “وداعا الدراما التليفزيونية، السنة دي كانت أخر أعمالي التليفزيونية، واللي فيها بودع المسلسلات، رحلة طويلة حوالي ١٥ سنة، قدمت فيهم كل اللي قدرت عليه لإسعاد الجمهور العربي، وحققت بفضل ربنا نجاحات مع نجوم كتير ومع شركات وقنوات كلها مهمة، وكان دايما الجمهور بيشجعني، سواء بردود الأفعال أو بتصويته ليا في الجوائز، وأي نجاح حققته كان بفضل ربنا والجمهور”.
وتابع: “يمكن المقربين ليا عارفين إني واخد القرار ده من فترة وهو اعتزال الإخراج التليفزيوني ولكن كنت بنتهي من التزامات موقعة مع شركات ونجوم والحمد لله انتهيت منها وكان أخرها ٢٠٢٥، معنديش حاجة أكتر أقدر أقدمها في التليفزيون، وخايف من تشبع الجمهور من أسلوبي ومن الوقوع في فخ التكرار ودائرة المتوقع والملل، والوحيد القادر على الدوام هو الله وحده، الحمد لله أخر عملين ليا إش إش وسيد الناس حققوا نجاح أنا سعيد بيه، كل يوم بلدي العظيمة مصر بتطلع صناع جداد موهوبين ومثقفين ويقدروا يقدموا أفضل من اللي قبلهم وهنفضل طول الوقت بنقدم أعمال مصرية يلتف حولها الجمهور العربي”.
وأضاف: “بشكر كل حد ساعدني في الرحلة وبشكر كل زميل منافسته كانت دافع للتميز، بعتذر عن أي مشهد قدمته أثناء الرحلة ولم يلق استحسان الجمهور أو إعجابهم، في الأخر الفنان دايما بيجرب والفنون جنون زي ما بيقولوا، ادعولي الفترة الجاية عندي سفر خارج مصر لفترة عامين بتعلم فيها حاجة جديدة بدرسها، حاجة كان نفسي اتعلمها من زمان وأجلتها كتير لحد مالقيت نفسي بكبر وخايف يفوت العمر قبل ما أعمل حاجة نفسي فيها”.
واختتم المخرج محمد سامي: “مقتنع إن الشخص يقدر في أي وقت يقرر يوقف حاجة بيحبها عشان يعمل حاجة تانية بيحبها برضه وعايز يجربها بس محتاج عيلة تسانده على اتخاذ قراره، كل التوفيق لكل زمايلي وبحبكم واشكركم على سنين المنافسة الجميلة اللي عملت أسماءنا كلنا وأتمنى لنفسي التوفيق في الخطوة الجديدة”.
محمد سامي يُعرض له في رمضان 2025 مسلسلي: سيد الناس بطولة عمرو سعد، وإش إش بطولة مي عمر وماجد المصري.