اخبار الفن| تامر حسني يدعم محمد سامي بعد اعتزاله الإخراج التليفزيوني: اوعى تمشي محبط.. أنت أنجح حد

نستعرض معكم متابعينا متابعي جريدة مانشيت الكرام أحدث التطورات والأخبار الفنية الهامة، حيث نرصد لكم آخر المستجدات لحظة بلحظة، واليكم تامر حسني يدعم محمد سامي بعد اعتزاله الإخراج التليفزيوني: اوعى تمشي محبط.. أنت أنجح حد.

حاول الفنان تامر حسني، تقديم الدعم للمخرج محمد سامي بعد إعلانه صباح اليوم خبر اعتزاله الإخراج التليفزيوني في منشور كتبه عبر صفحته الرسمية على موقع فيسبوك.

وكتب تامر تعليقا له على منشور الاعتزال يدعمه فيه ويدعوه لعدم اليأس والإحباط من كلام الناس، وفي ذات الوقت يدعو الجمهور لعدم القسوة على سامي لأنه قدم أعمالا فنية ممتعة على مدار 14 سنة ومنها مسلسل “آدم” الذي أحدث طفرة في الدراما، ومسلسلي “حكاية حياة” و”مع سبق الإصرار” اللذين أحدثا نقلة في ديكورات الدراما المصرية.

وقال تامر حسني في تعليقه على منشور محمد سامي: “اوعى تكون عايز تبعد عشان أي إحباط جايز يكون فعلا في بعض المشاهد اللي الناس انتقدتها وأنا شخصيا استغربتها شوية وقولت جوايا أنك مش محتاج تعملها أصلا لأن عندك الحقيقي والأهم بس على رأيك الفنون جنون، أحيانا فكرة مجنونة تنال الإعجاب و فكرة لأ… بس ده ميخليناش ننسى إنها بعض مشاهد مش بعض أعمال لأنك بالفعل المخرج الوحيد في تاريخ مصر اللي مفشلش ولا مرة ويمكن الحظ محالفكش أوي في عمل ولا 2 على مدار 14 سنة ودي حاجة مينفعش الجمهور ينساهالك”.

وتابع حسني في تعليقه: “أنت قدمت مسلسل آدم اللي جمع كل المصريين وكل الوطن العربي يتفرجوا عليه زي ماتشات الكورة بسبب أنه أتكلم عن قضية تخص كل الوطن وكان بدايه لصورة جديدة أول مرة كانت بتتقدم في مصر وبعدها سبق الإصرار وحكاية حياة اللي كانوا نقله كبيرة في ديكورات الدراما المصرية وبعدين الأسطورة والبرنس وجعفر العمدة اللي حققوا نجاحات ساحقه وكانوا أعلى نسبة مشاهدات في الدراما بشكل عام وبعدهم نعمة الأڤوكاتو و إش إش وسيد الناس اللي برضو كل واحد فيهم يا أعلى مشاهده يا تاني أعلى مشاهدة”.

وواصل: “هزعل منك لو هتمشي محبط وأنت أنجح حد… الشجرة الخضراء الجميلة ساعات بيطلعلها ورق أصفر بسيط عادي بيتقص وبتفضل شجرة كبيرة وجميلة وده التطوير الطبيعي للبني آدم واللي بيمر بيه أي ناجح بيطور وعنده شخصية بدليل مسلسلاتك بيتقال عليها مسلسلات محمد سامي و تركيز الناس معاك دليل على حبهم لأعمالك”.

وأكمل: “ورغم إن بعضهم بينتقدوها بس متابعينها حرف حرف ونقدهم ليك بيبقى على قد حجمك و هي دي ضريبة الناجحين الكبار”.

واستطرد: “سافر وكمل حلمك وأنت منتصر بتاريخك وأوعى تُحبط وأنا عارف إن محمد سامي اللي اكتشفته أنا وقدمته للصناعة وهو عنده 27 سنة لا يمكن هيتهز ممكن يزعل يومين ويراجع نفسه في مشاهد أنا مبسوط منك أنك بمنتهى الشجاعة الأدبية اعتذرت على تقديمها خد راحه شويه وإرجع أقوى من الأول وأنا واثق من اللي هتسافر عشانه أنه قرار هيضيف نقله كبيره لمشوارك”.

وحاول تامر دعمه بمزيد من الحديث قائلا: “أوعى تخلي الزعل من بعض المشاهد ينسيك أنت قدمت ايه للدراما ياريت قبل ما نقسوا على سامي بالطريقة دي نفتكر هو أمتعنا سنين قد ايه بمسلسلاته وأنا ذكرتها كلها عشان لو حد ناسي أفكره وعشان لو هو محبط يجمد تاني ربنا ينور طريقك وترجع أقوى وأقوى من أي وقت واثق فيك يا حبيبي وأنا هفضل أخوك الكبير وفي ضهرك إن شاء الله طول العمر يا بطل”.