حالة من الغرور وصل اليها بعض اعلامى النادى المنافس، حالة وصول وصلت الى حد العجرفة.
3 أو 4 اعلاميين معروفين بالاسم، وليدهم صبيانهم ولجانهم المعروفين، خرجوا بنكته ان المقاهى فى مصر أعلنت عن مقاطعة المباريات المحلية بسبب ” ال إيه يا ولاد” الاهلى هدد بالانسحاب من بطولة الدورى.
وبغض النظر عن الاهلى مش هينسحب من الدورى ولا حاجة، والذهاب اليوم بشكوى للجنة الاوليمبية لإيجاد مخرج أمام الجمهور.
إلا ان الامور أصبحت صعبة اوى فى حديث الـ 3 او 4 اعلاميين، ولجانهم وصبيانهم.
أى مقاهى تعلن عن مقاطعة المباريات المحلية من أجل نادى، المقاهى من ضمن مصدر دخلها الأساسي المباريات، ومن سابع المستحيلات ان يغلق صاحب مقهى الشاشات امام جمهور الزمالك مثلاً والاسماعيلى أو حتى متابعة بيراميدز.
اى مقهى دائماً يبحث عن المباريات لتشغيلها لـ رواد المكان، لكن الكلام وانا أسف ” الاهبل دا” ميدخلش عقل عيل صغير.
والصورتين اللي معمولين فى كذا مقهى حضرتك تعلم عزيزي المتابع، كيف يتم تجهيز هذه الصور، وهما فعلا صورتين بالعدد.
انما الكلام الخايب دا، ياريت اللجان اياها والكام واحد اياهم، اللى بيحاولوا اللعب على وتر شريحة من جمهور الاهلى، ياريت تقول كلام يُعلق وكفاية عجرفة و عيشوا معانا على أرض الواقع شوية.
تعليقات