وقال “سامي” خلال لقاء سابق له في برنامج “معكم منى الشاذلي”: “إحنا أصحاب أوي وقعدنا صحاب تلت سنين تقريبًا، وبعدين حبيتها فقررت إني أخطبها وهي مكنتش لسه حبتني، ومي كان عندها مشكلة رهيبة من الارتباط، وحاسة إنها هتتورط فلازم تبقى مفكرة كويس”.
وأضاف سامي مازحًا: “في مرة ركنت عربيتي قدام بيتها وقلت لها أنا في نفس الشارع لازم أسلم عليكي، ركبِت جنبي وقلت لها اديني رقم والدك أكلمه، رفضت، فمسكت موبايلها وحفظت الرقم وكلمته قدامها وقلت له أنا محمد سامي مبشتغلش حاجة وعايز أخطب بنتك، رد عليا وقال لي: خليني أنا هكلمك، وبعد يومين مكلمنيش، فكلمته تاني واتفقنا يقابلني في المكتب، ولما تقابلنا اكتشفنا إن عندنا هوايات مشتركة.”
وتابع: “بعدها طلبت التعرف على أهلي، وروحنا البيت وقرأنا الفاتحة وعملنا الخطوبة، لكن حصلت بينا خناقة، ووالدها شافني وقتها وقال لي إنه عايز يفسخ الخطوبة وأخذ مني الشبكة”.
واستكمل: “بعد فترة، لقيت شغلها فجأة اتنقل في نفس العمارة اللي أنا ساكن فيها في الزمالك، وأمي رفضت الموضوع تمامًا وقالت لي انسى الفكرة، لكني مستسلمتش، وروحت لمكتب والدها وقولت له جوزهالي بقى، بقالنا 5 سنين مفترقين وده أكبر دليل على حبي ليها”.
ويقوم البرنامج على فكرة إيهام الضيف بالمشاركة في حلقة من برنامج لاكتشاف المواهب العلمية في برنامج “جولدن تالنت”، التي يترأس لجنة التحكيم كل من الفنانة اللبنانية نوال الزغبي، ولاعب الكرة السعودي محمد نور، والفنان رامز جلال على أن يكون الضحية هو الحكم الرابع.
ويقع عدد كبير من نجوم الفن ضحايا لمقالب رامز جلال في برنامج رامز إيلون مصر، وبينهم: فيفي عبده، نور النبوي، حسام حبيب، محمد رجب، إلهام شاهين، مصطفى أبو سريع، مصطفى غريب.
ويعرض برنامج المقالب “رامز إيلون مصر” في الموسم الرمضاني لعام 2025، إذ يعود الفنان رامز جلال ليوجه مقالب جديدة لعدد من النجوم في عالم الفن، الرياضة، والإعلام.
ويشارك المخرج محمد سامي في السباق الرمضاني لهذا العام بمسلسلين الأول سيد الناس بطولة عمرو سعد، إلهام شاهين، والثاني إش إش بطولة مي عمر، ماجد المصري، انتصار.
تعليقات