وفي هذا السياق، نستعرض لكم كواليس الخلافات بين المخرج محمد سامي والفنانة غادة عبد الرازق، والتي استمرت لسنوات.
في تصريحات سابقة خلال استضافته في برنامج “الوش التاني” مع الإعلامي أحمد شوبير، عبر راديو ON SPORT FM، تحدث محمد سامي عن خلافه مع غادة عبد الرازق، قائلاً: “غادة عبد الرازق تعدت على بيتي، وأنا دخلت بيتها وأكلت فيه عيش وملح، وهي دخلت بيتي وأكلت فيه عيش وملح، كنا أصحاب وعِشرة، لكن في حرمات في البيت مينفعش نتكلم عنهم”.
وأكد أن العلاقة بينهما لن تعود مرة أخرى، مضيفًا: “مهما اختلفنا، إحنا مختلفين على الشغل، مش محتاجين نطلع بعدها نلسن ونتكلم على بعض، أو تبعتلي ناس البيت”.
وفي لقاء آخر عبر برنامج “أسرار النجوم” على إذاعة نجوم إف إم، الذي تقدمه الإعلامية إنجي علي، شدد “سامي” على أن خلافه مع غادة عبد الرازق شخصي وليس مهني، مؤكدًا أنه لن يعمل معها مرة أخرى مهما كانت الظروف.
وقال: “خلافي الإنساني مع غادة عمره ما هيتغير لحد ما أموت، الشغل مخلصش من العالم عشان أشتغل مع حد بطلت أحبه”.
وتابع: “مستحيل أعملها مسلسل حتى لو هاخد مليار جنيه، أو فيلم هاخد الأوسكار”.
واستطرد قائلاً: “الناس اللي بتتخانق هي اللي بتتصالح، لكن في فرق بين الخناق وحاجات تانية مش حابب أتكلم فيها بعد كل الوقت ده.”
وأختتم حديثه: “العملين اللي عملناهم سوا هيفضلوا موجودين، وربنا يكرمها وليها كل التوفيق.”
يذكر أن، المخرج محمد سامي تعاون مع الفنانة غادة عبدالرازق في مسلسلي “مع سبق الإصرار” و “حكاية حياة”.